warafana laka zikrak
tere khushbo mere chadar
terey tewar mera zavaar
tera sheva mera maslak
warafana laka zikrak
mere manzil tere ahat
mera sidra tere chokhat
tere gagar mere sagar
tera sehra mera panghat
main azal say tera pyasa
na ho khali mera qasa
terey bari tera balak
warafana laka zikrak
tere midhat mere boli
tou khazana hai main jholi
tera saya mere kaya
tera jhonka mere doli
tera rasta mera hadi
tere yadain meri wadi
terey zarray mere deepak
warafana laka zikrak
teray dum say dil-e-beena
kabhi faraan kabhi seena
na phr kiun ho tere khatir
mera marna mera jeena
yeh zameen bhi ho falak si
nazar aye jo dhanak si
tere dar say mere jan tak
warafana laka zikrak
main hon qatra tu samandar
mere duniya tere andar
saga-e-data tera nata
na wali hon na qalandar
terey saye main kharay hain
meray jaisay tou baray hain
koi tujh sa nhi beshak
warafana laka zikrak
main adhora tou mukammal
main shikasta tou musalsal
main sukhan war tou payamber
mera maktab tera aik pal
tere jumbish mera khama
tera nuqta mera nama
kiya tou nay mujhay zirak
warafana laka zikrak
mere sochain hain sawali
mera lehja ho bilali
shab-e-teeraan karay kheeran
meray din bhi hn misali
tera mazhar ho mera fuun
rahey ujla mera daman
na ho mujh main koi kalak
warafana laka zikrak
"Ay Nabi in se keh dijiye k agar tum Allah se muhabbat krtay ho to meri (Muhammad) ki ittibaah kro Allah b tum se muhabbat kre ga".